My God se liefde is onbeperk

Baie het al probeer om te bepaal wat behels die basis van die menslike bestaan. Vir sommige is dit om geken te word en vir ander is dit om bemin te word. Vir baie is dit om 'n blywende indruk te laat in die wêreld sodat die impak van hul lewens sal voortgaan om betekenis te hê vir ander.

In die kern van elke strewe is die besef dat die menslike lewe, maak nie saak hoe swak of vlietend van aard, van groot waarde is en dat dit slegs waardeer word wanneer 'n lewe werklik bewus word van 'n ander lewe.

Elke hart wil gekoester word, elke verstand wil verstaan word en elke stem wil gehoor word.

In die bladsye van die Heilige Skrif hoor ons God sê: "Voordat ek jou in die moederskoot gevorm het, het ek jou geken" en "Ek het jou liefgehad met 'n ewige liefde" en ons besef dat ons meer volledig geken is en dieper deur ons Skepper bemin word as in enige ander menslike ervaring. (Jeremia 1:5; Jeremia 31:3)

Dit is goddelike liefde.

Alhoewel nie elke gebaar van liefde 'n reaksie vereis nie, is ons Skepper lief vir ons en nooi Hy ons uit om te reageer.

Watter reaksie verlang God op goddelike liefde?

God wil geken en bemin word. Verder wil God in ons harte lewe, maar hierdie uitnodiging moet van ons kant af kom. Uiteindelik wil God 'n impak op ons lewens maak wat vir ewig sal duur.

U word genooi om self die ryk bronne te ontdek wat Sewendedag Adventiste op hul reis gevind het in reaksie op God se uitnodiging.